آدب وفنون

ياعيد بصيفك السكر

بقلمي ثائر ابو تراب

ياعيد بصيفك السكر
وبليلك اختمر عنابو
وبعيدك بقطعة حلو
ولا بحبة قمح من بيدر
والامل يرسم على غيابو
بأقلام الامل والحبر المعكر
فيك الام عم تحلم
وطفل عم يخلق ضيع احبابو
ويضحك لأيامو
ويرسم صبح باهدابو
وطفل خايف يفكر
يمكن يعبي جيابو
ويلتقي بأعزأصحابو
وبيدو قلم يرسم قمر
ويرسم سما
ونجمه
ويلون الغيمة ليكمل المنظر
والامل صندوق قدامو
مقفل طيابو
بالف الف قفل وبمفتاح مسكر
وحلمو عم يكبر
حلمو بوطن
وخايف يحرق جنابو
وتهتري البدلة
وما يعود يكمل المنظر
والام عم توعد ويمكن الاب ختير
يمكن فقد احبابو
وعطشان لحنة ترابو
فلاح على البلوات متصبر
ببسمة شقا وحيطان الدار شابو
على حضو المعثر
شو بقا ياعيد
عمر يمر ومحترق غابو
ناطر الصبح يشق ابوابو
وبقلم نيسان ليرسم
صور. 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى