آدب وفنون

( صليب و فانوس )

قلم.احمد فوزى صقر

طول ما الصليب شايل الفانوس
طول ما المحبة جوة النفوس
محدش هيقدر علينا يدوس

الله ينور عليك يا قدس أبونا
بمحبتنا ميقدروش يحاربونا
حتى لو عملوها مش هيغلبونا

تعيش يا أبونا و تعيش محبتنا
اللى هتفضل سبب فى قوتنا
تحيا مصر أمنا و دارنا و بيتنا

عرفهم معانى الأنسانية
عرفهم المحبة الربانية
عرفهم معنى الوطنية

أزرع يا أبونا محبة الأنجيل
فى كل عصر و كل جيل
قولهم المحبة ملهاش بديل

دى مصر أم الدنيا يا جدعان
بلد المحبة و الأمن و الأمان
السلام رمز ليها و عنوان

مصر الجميلة مصر المواطنة
أم ماريا و تريزة و فاطمة
روح المحبة ما بننا ساكنة

تحيا مصر بلد القرأن
بلد الصليب و القربان
بلد الشيوخ و الرهبان

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى