آدب وفنون

سافرت كتير فى بحر عنيك

د. اسماعيل صيام
سافرت كتير فى بحر عنيك
تنادينى وانادي عليك
لشط هواك تعدينى
و شوقي و لهفتي و حياتي
بيترجوك تحسينى
ياريت أقدر فى يوم انساك
و تنسيني
ياريت أقدر أجيب ساحر
يلمك من شراينى
و اجيب شاعر يكون عاشق
عشان بعنيه تشوفينى
تنادينى …. تقولى اوصفنى
اقول عاجز … جمال حير تفانينى
تقولى الشوق … اقول عاتى
فى بحر عنيك بيرمينى
تقولي اتمنى … اقول احلم
فى يوم وصلك يمنينى
تقولى الشعر … اقول إنت
بالهامك كتبتينى
تقولى الوجد … اقول لحظه
فى احضانك تضميني
تقولى لسه إيه تانى
اقول حبك بيحينى
وخايف يوم تقابلينى وانادي عليك
بصمت عنيك تجاوبينى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى